Трамп нема ќар од претседателството, му се топи богатството
Објавено во: Свет 19 Октомври, 2017
Американскиот претседател Доналд Трамп речиси една година е претседател на најмоќната и најбогатата држава во Светот но, од оваа политичка функција тој нема голем бенефит, напротив неговото богатство за десетина месеци поминати во Белата куќа значително се стопило.
Според најновите проценки на магазинот Форбс Доналд Трамп во последната година изгубил неверојатни 600 милиони долари. Главната причина е падот на вредноста на неговите имоти на Менхетен кои лошо реагираат на промените на пазарот на недвижности.
Исто така десетина голф терени во посед на Доналд Трамп бележат зголемен пад на приходите. Трамп во кампањата потроши 66 милиони долари лични средства и уште 25 милиони долари за тужбата против неговиот неуспешен универзитет кој беше прогласен за измама.
Се верува дека и лошиот рејтинг како и се поголемото нетрпение на американските гласачи придонесува бизнисите на Трамп да трпат загуби од политички причини.