Трамп одби да организира ифтар во Белата куќа
Објавено во: Свет 26 Јуни, 2017
Американскиот претседател, Доналд Трамп ја прекина 20-годишната традиција на Белата куќа со тоа што одби да организира ифтар во текот на Рамазан.
Со овој потег Трамп го зголеми бројот на луѓе кои се противат на неговите политики.
Многу жители на САД се огорчени од антимуслиманската реторика на Трамп. Откако дојде на претседателската функција тој нареди внимателно надгледување на американските џамии и воведе целосна забрана за влез во земјата на жителите на неколку муслимански земји.
Организирањето на ифтар го почна Хилари Клинтон во 1996 година кога беше прва дама на САД. Претходните претседатели Џорџ Буш и Барак Обама секоја година во текот на нивните мандати подготвуваа ифтар во Белата куќа. Меѓутоа, како што кажа државниот секретар Рекс Тилерсон, Трамп го одбил барањето на Канцеларијата за религии и глобални работи за традиционалното одржување ифтар.
Трамп синоќа со кратка порака им го честиташе празникот Рамазан Бајрам на муслиманите.