ТРАМП САКА ДОСЕЛЕНИЦИ ОД ОВАА ЗЕМЈА: Сепак тие не сакаат да живеат во САД

Добивај вести на Viber

Единствена земја од каде aмериканскиот претседател, Доналд Трамп сака доселеници е Норвешка - но тие не сакаат да дојдат,  пишува „The Atlantic".

Бројот на Норвежани во САД во последните 5 години постојано опаѓа. Според податоците на Институтот за миграциска политика, во САД живеат најмалку Норвежани од сите европски држави.

Според податоците на американскиот Оддел за државна безбедност, „зелена карта" за преселување во САД во 2016. година добиле 1,8 милиони луѓе, од кои само 362 Норвежани. Зелената карта е чекор до стекнување на американско државјанство, какво добиле 753.060 луѓе, меѓу кои 93 Норвежани. 

Меѓу 1825. и 1925. година во САД се доселиле 800.000 Норвежани. По Ирска, тоа е најголем процент на жители на една држава кои се преселиле во САД.

Но, состојбата се променила во 1924. година, со донесувањето на Законот на доселување. Целта на законот била да се намали бројот на доселеници од источна и јужна Европа и Азија, но драстично опаднал и бројот на доселени Норвежани.

Иако норвешкото доселеништво било бело, тоа не е им ја олеснило асимилацијата во САД по периодот на масовни миграции. Експертот за имиграциска политика, Алекс Наурастех, тврди дека дури 70 проценти од иселениците на крајот се вратиле во Норвешка, дел поради ниските плати во САД.

Стапката на норвешки доселеници во САД повторно пораснала по Втората светска војна и останала висока во текот на 50-тите и 60-тите години, но значително опаднала во 70-тите години и од тогаш останала премногу ниска.