Трамп тајно сакал да ги „скине“ санкциите против Русија
Објавено во: Свет 02 Јуни, 2017
Во првите денови од стапувањето на функција на новите владини претставници на Доналд Трамп во Белата куќа по позадински канали се правеле сериозни напори за да се симнат економските и политичките санкции против Русија кои претходно ги воведе Обама кога изби војната во Источна Украина, а Крим беше анектиран од страна на Путин.
Извор од Стејт Департментот кои служеле во претходната администрација на Обама откриваат информации за медиумите дека функционерите на Трамп лобирале во Конгресот да се изгласаат набрзина законски регулативи со кои ќе се олеснат економските санкции, а ќе се вратат повеќе дипломатски мисии за да се нормализираат односите со Русија.
Сепак, ова жестоко било сопрено уште во првите недели од претседателството на Доналд Трамп за да не се нарушат интересите на САД во надворешната политика. Кадрите лојални на Обама веднаш спровеле тактика со поддршка на конгресни лидери од Демократската партија со кои донеле легислатива со која на Трамп значително ќе му биде отежнато своеволно да ги укине санкциите.
Се открива и дека Трамп планирал заеднички самит со Владимир Путин на кој триумфално ќе ги соопштел насоките за новите односи со Русија. Сепак, ваквите тенденции биле препознати како извршување на агенда на Москва и биле закочени. Од Белата куќа под водство на Трамп сеуште немаат коментар за новиот политички скандал.