Трамп заслужува смртна казна - кој го осуди?

Добивај вести на Viber

Државен весник во Северна Кореја го критикува американскиот претседател, Доналд Трамп поради навредите кон нивниот лидер Ким Јонг Ун. 

Весникот Родонг синмун пишува  дека американскиот претседател заслужува смртна казна, пренесува Индипендент.

Весникот пишува дека Трамп е кукавица поради откажувањето на посетата на корејската демилитаризирана зона (ДМЗ). Првиот човек на САД минатата недела ја посети Јужна Кореја, каде оцени дека Северна Кореја има „сурова диктатура“.

Оваа посета беше дел од маратонската турнеја во пет азиски земји со цел групирање на регионална поддршка против севернокорејските нуклеарни амбиции.

На крајот на азиската турнеја Трамп преку Твитер од Ханој се осврна на тежината и висината на севернокорејскиот лидер.

„Зошто Ким Јонг Ун ме навредува нарекувајќи ме „стар“, која јас него НИКОГАШ не би го нарекол „низок и дебел“?“- напиша Трамп на Твитер.

„Најлошото злосторство кое не може да му се прости е тоа што се осмели злонамерно да го повреди достоинството на нашиот врховен лидер. Треба да знае дека тој е само ужасен криминалец осуден на смрт од страна на корејскиот народ“- пишува Родунг синмун.

Севернокорејскиот весник особено се осврна на пропустот на Трамп да ја посети ДМЗ, која ги дели Јужна и Северна Кореја и е традиционална станица на американските државници при посетите на Сеул.