ТРГНУВААТ ВО ОСВОЈУВАЊЕ НА РЕГИОНОТ: Хрватите го купија црногорскиот Телеком
Објавено во: Економија 11 Јануари, 2017
Хрватски телеком потпишал договор со Маѓар телеком за купување на 76,53 отсто дел во компанијата на Црногорски телеком за 123,5 милиони евра.
Како што јавува Вечерњи лист, се работи за најголемата аквизација на ХТ досега, односно прв голем чекор во реализација на стратегијата ширење на Хрватски телеком и негово позиционирање како водечки телеком играч во регионот.
Заклучување на трансакциите се очекува до крајот на јануари 2017 година.
Како што велат од ХТ, оваа аквизација ќе му овозможи излез на црногорскиот пазар на хрватскиот телеком оператор, неговите добавувачи и други компании од ХТ групата, со што се создаваат претпоставки и промовира извоз на хрватски стоки и услуги во Црна Гора.
Притоа, ширењето на ХТ, кој директно и индиректно генерира повеќе од три отсто од хрватскиот БДП, во конечниот исход ќе има позитивно влијание на економската активност, вработеност и приходи на државата од данокот во Хрватска.
Црногорскиот Телеком е најголемата телекомуникациска компанијата во Црна Гора, која нуди целосен спектар на фиксни и мобилни услуги. Во првите девет месеци од 2016 година, компанијата остварила приходи од 69,4 милиони евра. На крајот на третиот квартал имале 369,6 илјади мобилни корисници и биле втор играч на пазарот, со 32 отсто корисничка база во мобилната телефонија, каде најголеми конкуренти им се Теленор и М:Тел.
Со 140,3 илјади корисници во фиксната телефонија, Црногорски телеком има 93,6 процентен дел на пазарот на фиксната телефонија. Исто така има 73,1 илјади корисници на широкопојасен интернет, како и 60,1 илјада ИПТВ корисници. Кон крајот на 2015 год во компанијата работеле 588 вработени , се додава во текстот.
Можеби ќе ве интересира
ССМ НАЈАВИ ПРОТЕСТ ЗА 1 МАЈ: Бараат минималецот да изнесува најмалку 450 евра
„ДОЈЧЕ БАНК“ ГИ ИЗНЕНАДИ АНАЛИТИЧАРИТЕ: Ја објави нето добивката
НОВИ ПРОБЛЕМИ ЗА „БОИНГ“: ќе плати 443 милиони долари на авиокомпаниите за приземјувањето на авионите Max 9
ДАЛИ Е ОВА НАЈВИСОКАТА НЕТО ДИВИДЕНДА? Изнесува 35 евра за акција, а приносот е 7 отсто
Економската зона Ченгду-Чонгкинг е еден од главните мотори на идниот економски раст на Кина
САКАТЕ УСПЕХ ВО КАРИЕРАТА: Вмрежувајте се и ширете ги контактите
ПРОФИТОТ НА ТЕСЛА ПРЕПОЛОВЕН: компанијата ја губи трката од кинеските конкуренти
СВЕТСКИ ПОЗНАТА КОМПАНИЈА ТУЖИ АМЕРИКАНСКИ „ЏИН“: Им го украдоа заштитниот знак на моделите на спортска облека
„ПРИЛЕПСКА ПИВАРНИЦА“ ЌЕ ДЕЛИ ДИВИДЕНДА ОД ВКУПНО 714 ИЛЈАДИ ЕВРА - од пиво добро се живее во Македонија
