ТРИ СУПЕР МЕТОДИ со кои ќе успеете да заштедите
Објавено во: Финансии 12 Јануари, 2017
Да се штеди не е воопшто лесно. Дневните и месечни трошоци се собираат, често се појавуваат и вонредни, а и да признаеме - платите во земјава тешко го дозволуваат. Ако сепак си создадете навика да тргате по некој денар настрана, тоа ќе ви се исплати во иднина. Ви нудиме три методи кои ќе ви помогнат во тоа.
Метод 50/30/20
За кого е наменет: Луѓе со стабилни приходи, кои сепак не можат да си дозволат големи вонредни трошкови.
Методот е следниов: 50% од платата оставете за основни трошоци (сметки, храна, итн), 30% - за работи кои не се неопходни, но се важни (нова облека на пример), а 20% распределелете за црни денови.
Метод "Основен буџет"
За кого е наменет: Луѓе со променливи или непостојани приходи
Пресметајте колку ќе е минималната сума која сигурно ќе ја добиете за месецот. Потоа направете груба сметка колку изнесуваат основните трошоци. Обидете се да ги покриете со минималната сума или блиска до неа. Се што сте заработиле на врвот, одвојте во заштеда.
Метод "неделна шема"
За кого е наменет: Луѓе кои трошат многу и се остануваат без пари барем неколку дена пред следната плата
Однапред пресметајте каква сума сакате да заштедите во месецот. Останатото од платата поделете го на четири - така ќе имате посебен буџет за секоја недела. Трудете се да не го преминувате лимитот.