Тунижанецот кој е убиен на аеродромот Орли бил пијан и дрогиран
Објавено во: Свет 20 Март, 2017
Радикализираниот муслиман Зиед Бен Белгасем, кој е убиен на аеродромот Орли во Париз во саботата откако нападна француска војничка, бил под дејство на дрога и алкохол.
Токсиколошките тестови покажале присуство на алкохол од 0,93 промили и канабис и кокаин.
Агенцијата, повикувајќи се на извор во француското судство, објави дека истражителите и натаму се обидуваат да утврдат што е мотивот за овој напад, кој се случи на вториот по големина аеродром во Франција.
Таткото на францускиот државјанин со туниско потекло вчера изјави дека неговиот син не бил терорист, туку за неговите постапки се виновни дрогата и алкохолот.
Белгасем на еден од војниците му ставил пиштол на глава и му ја зел пушката, извикувајќи дека сака да „умре за Алах“, по што двајца војници го убија.
Истражителите исто така продолжуваат со испитување на неговиот брат и роднина на напаѓачот за да утврдат дали планирал терористички напад или одлучил да умре како „самопрогласен маченик“.
Белгасем бил под истрага во 2015 година, поради врски со исламистички радикали кои претходно ги воспоставил во затворот, но неговото име не се наоѓа на листата на лица кои се сметаат за голема опасност.