ТУРЦИЈА ДОАЃА НА БАЛКАНОТ: Овој регион ни е многу важен, ќе бидеме активни

Добивај вести на Viber

Турција планира активна улога на Западен Балкан, насочена кон соработка и помирување, а не конфликти, вели Керем Алп, заменик на генералниот директор на Дирекцијата на Балканот и Министерството за надворешни работи на Турција. 

Вели дека заедно со ЕУ, САД, и Русија, Турција ќе води политика која не е за спротивставување кон членството во ЕУ, и рече дека неговата земја нема скриени намери кон регионот. 

„Ќе работиме рака под рака со сите земји. Секогаш кога бил воспоставен мир на Балканот, во тоа соработувале Турција и Русија“ - вели Алп. 

Според неговите зборови, пред години Турција покренала Трилатерала, односно соработка меѓу Турција, БиХ и Србија, а целта била отстранување на конфликти кои претходно доведоа до судири. 

Алп вели дека во тој период се покажало дека национализмот е многу деструктивен.

Вели дека на оваа Трилатерала лани е додадена и економска димензија, така што се поттикнува извозот на земјите од Западен Балкан во Турција. 

Се охрабруваат Србија и БиХ и Србија и Албанија да ги подобрат односите. 

За повеќе од 20 години Турската агенција за соработка реализирала над 800 проекти во БиХ.