Турција се подготвува за воена интервенција
Објавено во: Балкан 18 Јануари, 2018
Турскиот Совет за национална безбедност, со кој претседаваше претседателот Реџеп Таип Ердоган, доцна синоќа објави дека Турција ќе преземе „итни“ и „решителни“ чекори за да се заштити од заканите кои доаѓаат од западна Сирија.
Турските медиуми претходно јавија дека се распоредуваат турски војници и техника во округот Хатаи, додавајќи дека ситуацијата во Африн „претставува закана за безбедноста на турската граница“.
Сирија денеска соопшти дека нејзините воздухопловни сили се подготвени да ја бранат територијата од нападите на Турција и ја предупредија Анкара дека ќе го соборат секој турски авион кој ќе ја премине границата.
„Ги предупредуваме турските власти дека ако преземе воена операција во областа Африн тоа ќе го сметаме за чин на агресија на турската војска“-изјави заменик министерот за надворешни работи, Фајсал Мекдад.
Претходно Ердоган најави дека Анкара ќе преземе воена офанзива во енклавата Африн и другите територии кои се под контрола на Курдите. Турција смета дека курдската група, која ја контролира Африн е огранок на терористичката група Курдска работничка партија (ПКК).