ТУРЦИТЕ ГРАНАТИРААТ: Раселени 5000 луѓе во Африн
Објавено во: Свет 23 Јануари, 2018
Во регионот на Африн во Сирија, од вчера се раселени скоро 5.000 лица поради операцијата која ја спроведуваат Турците.
ОН се подготвени да им пружат помош за 50.000 лица во Африн, во случај на понатамошно раселување кон областите кои се под контрола на сириските власти во регионот на Алепо.
Претходно денеска, лидерите на сириските Курди од областа Африн упатија итен повик до сите граѓани да се мобилизираат за одбрана на областа од турската армија.
Портпаролот Резан Хедо изјави дека тоа е повик „до сите Курди во Сирија да кренат оружје против турската војска“.
Турција во текот на викендот почна операција против силите за заштита на народот, кои го контролираат Африн, со цел да ги потиснат нивните борци подалеку од сириско-турската граница. Турската војска, заедно со припадниците на бунтовничката Слободна сириска армија, во неделата презеде вкупно 11 села и навлегувајќи во регионот на Африн од неговата северна, северозападна и западна страна.
Во досегашните борби во Африн загинаа десетици лица, меѓу кои и двајца турски војници.