ТУРЦИТЕ ПЛАЌААТ СКАПА ЦЕНА: Крвава 2016 година со 44 терористички напади!
Објавено во: Балкан 03 Јануари, 2017
Само што започна 2017 година во Турција се случи уште еден голем терористички напад и се побројни се оние кои се прашуваат дали и колку Ердоган ја контролира состојбата во својата земја.
Во текот на 2016 година во Турција се случија 44 терористички напади со човечки жртви, а дури две третини од нив се организирани после неуспешниот обид за воен пуч.
Голема репресија
Токму неуспешниот воен пуч минатото лето го означи почетокот на големата репресија против заговорници и нивните симпатизери. Ердоган покажа дека владее со челична тупаница и уапсени се десетици припадници на војската и полицијата под обвиненија дека се дел од заговорничка група. Додека Ердоган ја стегаше тупаницата во борба против пучистите, џихадистите ги интензивираа нападите. Тероризмот стана секојдневие. Само во последните три недели во Турција се изведени четири големи терористички напади, во кои загинале повеќе од сто лица.
Додека претседателот опсесивно ги лови симпатизерите на свештеникот Фетулах Ѓулен, курските терористи и џихадисти од Исламска држава речиси непречено изведуваат терористички напади.
Предупредување од Русија
Чистката во безбедносните служби на клучни места очигледно доведе луѓе кои не се дораснати на задачата-борба против тероризам.
Колку таа појава е распространета , најдобро сведочи веста од крајот на 2016 година, кога јавноста беше шокирана од веста дека во Истанбул е уапсен Сенол Нуран, шеф на кантината на познатиот опозиционен весник Џумхуриет, поради „навреди на шефот на државата“, после изјавата дека одбил да му послужи чај на претседателот Ердоган.
Крвава 2016 - Големи напади во Турција
17 Февруари-Експлозија на автомобили во Анкара, 29 мртви и 60 повредени
13 март-Експлозија на автобуска станица, 37 мртви и 125 повредени
12 мај - Експлозија на камион-бомба, 16 мртви и 23 повредени
28 јуни- Напад на аеродром во Истанбул, 43 мртви и 23 повредени
10 декември - Експлозија кај стадионот Бешикташ во Истанбул, 44 мртви
19 декември-Во Анкара убиен руски амбасадор Андреј Карлов