Туристите им бегаат - паднаа на ниво од 2004 година
Објавено во: Балкан 10 Јануари, 2017
Бројот на туристите во турското летувалиште Анталија падна лани на нивото од 2004 година, покажуваат информациите од општината.
Во 2016 година странските туристите кои таму биле се 6 милиони или со 43% помалку во споредба со претходната година. Најголем пад - над 7 пати е забележан кај руските туристи, кои во 2015 година биле половина милион. Бројот на посетителите од Германија, која е меѓу најважните пазари за Турција, минатата година има намалување од 3 милиони на 1,9 милиони луѓе.
Во Бодрум исто забележале опаѓање на бројот на туристи со 43% и тие се намалени до 453.000. Русите беа само 4.000 или со 91% помалку во однос на 2015 година.
За прв пат по 16 години пад е регистриран и во мегаполисот Истанбул, кој лани го посетија 9,2 милиони туристи, што е за над една четвртина помалку од 2015 година. Најголемо намалување со над 43% има кај гостите од САД.