Туристите им дадоа оценка 5 за насмевка, и 1 за сметот
Објавено во: Балкан 06 Март, 2017
Безбедноста, гостопримливоста и гастрономијата се три адути на српскиот туризам, оцениле туристите кои лани биле во Белград.
Истражувањето на Центарот за истражување на хотелиерство и туризам даде интересни податоци.
Гостите кои доаѓаат во Белград се луѓе на возраст од 35 до 64 години, богати се, стигнале со авион и трошат многу.
Од нив 61% прв пат доаѓаат во Белград, а остатокот веќе биле во градот.
Најдобри коментари има за гостопримливоста, добрите ресторани, добриот ноќен живот, ниските цени и убавите паркови.
Но, сите туристи ги нервирала нечистотијата во градот.
Плус, многу од странците навеле дека им е непријатно што ноќе низ градот се шетаат голем број бегалци.
Вкупната оценка за Белград е 4.
Интересно е дека гостите од ЕУ се позадоволни од оние кои се од Србија. 88% од туристите од ЕУ рекле дека ќе го препорачаат Белград на своите пријатели.