ТУРИЗМОТ ВО ГРЦИЈА: Повеќе туристи, помалку приходи

Добивај вести на Viber

За првпат туристите трошат помалку од 500 евра за време на својот престој кај јужниот сосед.

Туризмот е еден од водечките сектори за грчката економија - трет по големина работодавач во земјата, по секторот на трговијата и индустријата и јавниот сектор.

Во првите 10 месеци лани земјата е посетена од 23,5 милиони лица, што е за речиси 5% повеќе во однос на 2015 година. Приходите сепак се намалуваат, пишува весникот „Катимерини".

Според податоците на централната банка на Грција, за периодот од јануари до септември 2016 година приходите од туризмот во земјата се 11,78 милијарди евра или со 1 милијарда евра помалку за истиот период на 2015 година. За време на престојот туристите трошат во просек по 491,20 евра или со 13,2% помалку на годишно ниво.

За првпат откако Централната банка ги следи приходите од туризмот износот паѓа под 500 евра, додава весникот. 

Од трговска организација во Грција велат дека причината за пониските приходи се новите даноци за секторот наметнати од влада во 2016 година. Според Greek Reporter сепак трендот е глобален  и туристите почнуваат да трошат помалку за време на своите патувања.