УЈП организира обуки за оданочување на приходи од кирии
Објавено во: Економија 19 Октомври, 2016
Управата за јавни приходи од 25 октомври 2016 година почнува со реализација на едукативни програми наменети за граѓани, на тема: „Пријавување и оданочување на приходи остварени од издавање под закуп и подзакуп на движен и недвижен имот“.
Со обуките ќе се спроведуваат во период од еден месец, се предвидени 46 работни средби со граѓаните од 36 општини низ Македонија. Првите работни средби ќе се реализираат на 25 месецов во општините Куманово, Градско и Богданци. На 26 октомври ќе бидат посетени Чашка и Штип. На 27 на ред се Скопје, Берово, Кратово и Дебар. На 31 пак Куманово и Пехчево. На 2 ноември Гевгелија и Македонски брод ќе бидат посетени. На 3 ноември обуки ќе има во Скопје и Крушево, а на 4 обука ќе се организира во Македонска каменица. На 9 ноември се планирани Прилеп, Кичево и Штип. На 10 пак Скопје, и Радовиш, а на 11 Велес и Делчево. На 15 ноември Стар Дојран, Битола и Куманово. На 16 Охрид, Ресен, Кочани и Кратово, Прилеп, Струга, Гостивар. До 28 ноември ќе бидат посетени и другите градови од Македонија.
УЈП ги повикува сите заинтересирани граѓани да се пријават и да ги посетат обуките. На еднодневното советување, посетителите ќе имаат можност да се стекнат со знаења и практични примери за начинот на пријавување и оданочување на остварените приходи и даночните поволности...
За регистрација и учество на обуките, заинтересираните треба да се пријават најдоцна два дена пред почетокот на обуката. Обуките се без финансиски надоместок!.
Обуките се спроведуваат во рамките на Планот за управување со усогласеност на УЈП со кој се таргетира издавањето под закуп на движен и недвижен имот, а со цел зголемување на свеста и едуцираноста на даночните обврзници за нивните права и обврски.