Уреден откупот на државно градежно земјиште со непосредна спогодба

Добивај вести на Viber

Доцна попладнево, Собранието на Република Македонија во рамки на 45-та седница ги донесе измените и дополнувањата на Законот за градежно земјиште и на Законот за градење, а во рамки на оваа седница донесени беа и измените на Законот за просторно и урбанистичко планирање.

Со измените на Законот за градежно земјиште се уредува откупот на државно градежно земјиште преку непосредна спогодба. Непочитувањето на рокот за добивање на одобрение за градба нема да биде услов за раскинување на договорот за продажба на земјиштето, туку само ќе се плаќа казна. Исто така електронското јавно наддавање сега ќе може да трае неограничено, се додека има нови понуди.

Опозицијата и владеачката партија меќусебно се обвинуваа. Првите тврдат дека предложените измени се на штета на општините и дека нивната цел да се олесни криминалот при продавањето на државното градежно земјиште. Вторите пак тврдат дека дека измените не се против децентрализацијата на општините, а појаснуваат и дека парцелите се отуѓуваат преку непосредна спогодба само доколку се работи на изградба на објекти на верски заедници, конзулатски претставништва или доколку лицето има во сопственост над 30% од градежната парцела.