Добивај вести на Viber
Од УХМР предвидуваат дека уште денеска ќе имаме сончево време со мала облачност, но со високи температури по што ќе следува период на заладување и затворање на летната сезона.
Времето и денеска ќе биде сончево со мала доумерена облачност. Максималните дневни температури ќе достигнат во Скопје и Куманово 33, Тетово и Гостивар 32, Маврово 24, Охрид и Крушево 25, Битола и Дебар 30, Гевгелија и Кавадарци 35, Дојран и Штип 33, Крива Паланка 30 Целзиусови степени...
Од утре временските прилики ќе се променат, облачноста ќе се зголеми, ќе има услови за локални врнежи од дожд. Утре максималната дневна температура ќе се движи од 22 до 31 степен, ќе биде облачно, дожд, грмотевици и ветровито.Во четврток дневните температури ќе бидат уште пониски, 17 до 24 степени, ќе биде променливо облачно со слаби врнежи и силен ветер од севрозападен правец.
Од петок ќе дојде до стабилизирање на временските услови, сончевото време ќе се врати, ќе имаме умерена локална облачност со ниски утрински температути (од 4 до 11 степени) и дневни температури од 18 до 25 степени. Слично време ќе имаме и викендов.