Уште тројца градоначалници ќе ги снајде судбината на Таравари
Објавено во: Македонија 24 Февруари, 2018
Министерството за образование и наука неодамна донесе одлука за одземање на ингеренциите во областа на образованието на градоначалникот на Гостивар, Арбен Таравари. По Таравари, градоначалниците на Конче, Липково, Боговиње и Желино се следните кои може да ги изгубат ингеренциите во делот на образованието.
Слично како и во случајот со гостиварскиот градоначалник,тие неправилно разрешувале директори на училишта и на нивно место без законска основа поставувале нови.
- Во моментов се водат повеќе постапки кои се однесуваат на повеќе градоначалници. Доколку не бидат одстранети законските нерегуларности ќе биде постапено согласно закон - порачаа од МОН.
Од политичката партија Алијанса на Албанците обвинуваат дека ингеренциите намерно се одземени од Таравари за да бидат дадени на ДУИ и дека ваквата одлука е сомнителна. Според партијата, намерно се издвоени неколку други рурални општини само за да не биде само Гостивар.