Успешна хуманитарна акција на клиентите и НЛБ Банка
Објавено во: Мои пари 02 Декември, 2016
Вчера во НЛБ Галеријата беше отворена продажна изложба на детски цртежи каде што сите присутни гости, клиенти и вработени, со купување на детските цртежи, донираа средства при што беа соберени вкупно 623 500 денари.
Претседателот на УП на НЛБ Банка Антонио Аргир ја отвори хуманитарната продажба при што рече дека оваа е најголемата и најубавата изложба која воедно е и посебна.
„Годинава за време на НЛБ Месецот на штедење во периодот од 26.09.2016 година до 25.10.2016, ни пристигнаа 1799 цртежи, на тема „Штедење и хуманост“, а за секој примен цртеж НЛБ Банка ќе донира 200 денари“, посочи Аргир.
НЛБ Галеријата ќе биде отворена секој ден, а сите посетители ќе можат да купат цртеж и да донираат за Специјална Олимпијада Македонија.