Утре без струја делови од Центар, Ѓорче Петров и Карпош
Објавено во: Мои пари 15 Јануари, 2013
Утре во периодот од 08.30 до 12.30 часот без струја ќе останат корисниците од улица „Македонија“ бр.1 (хотел „Бристол“) во општина Центар, информираат од Регионалниот центар за управување со кризи – Скопје.
Во периодот од 11 до 15 часот без електрична енергија ќе бидат корисниците од улиците „Браќа Галеви“ и „Веле Марков“ во општина Ѓорче Петров.
Од 10.30 до 15.30 часот струја ќе нема во село Волково, делот околу спортското игралиште Бранители, општина Ѓорче Петров.
Без струја од 10 до 15.30 часот утре ќе бидат и корисниците од улица „51“ во Стопански Двор (делот кон црквата) во општина Ѓорче Петров.
Од 09 до 15 часот без струја ќе останат дел од корисниците од улиците „Париска“ и „Прашка“, општина Карпош.
Од 08.30 до 15 часот пак, без струја ќе бидат дел од корисниците лоцирани на улицата „Ибе Паликуќа“ во општина Ѓорче Петров.