Добивај вести на Viber
Утре во Собрание, во рамки на 80. седница, треба да почне петдневната расправа за Дополнетиот предлог на буџетот за идната година. Касата за 2014 година ќе изнесува 176,5 милијарда денари, приходите 158 милијарди и 243 милиони, а буџетскиот дефицит е поставен на 3,5 проценти и ќе се финансира од домашни и странски извори.БДП треба да расте 3,2 проценти, а инфлацијата 3,3 проценти. Во фокусот се поставени капиталните инвестиции во висина од 360 милиони евра, а има предвидено за 5% повисоки пензии и плати за државниот сектор.
Предлог-буџетот за 2014 година беше доставен во Влада заедно со извештајот од Комисијата за финансирање и буџет за амандманите.Според законот десет дена се расправање за поднесените амандмани, рок кој беше недоволен. Притоа Комисија за финансирање и буџет прифати пет од 684 амандмани, но во законскиот рок разгледани беа помалку од 300 амандмани.
Осумдесетата седница на Собранието има 78 точки на дневен ред.