Веќе познато кој ќе седне во министерската фотелја за здравство?
Објавено во: Македонија 17 Декември, 2017
Клучниот сектор здравство се уште нема министер откако Таравари се повлече.
Засега медиумите повикувајќи се на високи партиски функционери од СДСМ го споменуваат името на неврохирургот Венко Филипче.
„Министер за здравство ќе биде предлог на СДСМ, тоа е решено и затворено прашање. Од Зијадин Села зависи дали ќе остане во влада или пак не“, вели висок владин функционер за ТВ 24.
Од друга страна од Алијансата велат дека доколку стигне предлог за министер кој што не е нивното решение најлогичниот чекор ќе биде тие да ја напуштата валдата.
Денеска пак Таравари за Нова Тв вели дека немало ниту преговори, ниту средба за ова прашање во последните две недели.
„Немаме официјална информација з а ова, ниту пак ни е понудено заменичко место. Ние сме во постојана комуникација со меѓународниот фактор и тие се согласуваат дека треба да продолжиме, односно да си го задржиме местото на прв човек во здравството“, изјавил Таравари за НОВА.
Премиерот Заев пак за во понеделник најави дека конечната одлука за министерството за здравство ќе биде доставена до Собранието.