ВЕРУВАЛЕ ИЛИ НЕ: Експерти ја напуштиле работата во „Гугл“ зошто им плаќале премногу
Објавено во: Стил 14 Февруари, 2017
„Alphabet“, компанијата мајка на „Google„, изгубила некои од водечките професионалци кои работат во рамките на проектот за самоуправувачки автомобил, бидејќи им платила премногу, пишува Bloomberg.
Огромните плати и бонуси не ги мотивирале вработените да работат напорно за фирмата, туку напротив -им дале можност да ја напуштат и да се посветат на други активности. Некои од нив дури основале стартапи поврзани токму со технологија за автономни автомобили.
Се разбира, парите ниту малку не биле единствената причина за одлуката на експертите, но сигурно биле меѓу водечките фактори.
Не се соопштува за какви суми станува збор. Меѓу вработените кои во последната година си заминале се Крис Урмсон, поранешниот шеф на одделот за самоуправувачки автомобили во Google, како и Брајан Салески кој ја создаде компанијата Argo AI, во која пак Ford ги инвестирал најимпресивните 1 милијарда долари.
Целите на Alphabet во моментов се да најде партнери меѓу автомобилските компании, за спроведување на проектот . Веќе има договор со Chrysler, водат преговори и со Honda. Според некои гласини е можно и партнерство помеѓу Alphabet и Uber.
Можеби ќе ве интересира
Мемедоски е македонскиот претставник на „Светскиот избор за Мис и Мистер за глуви“ во Прага: Бог ме направил различен од другите, но ми подарил повеќе таленти
МЛАДИТЕ БРИТАНЦИ НЕ ГО САКААТ КРАЛСКОТО СЕМЕЈСТВО: Само еден член стои полошо од Хари и Меган
