Весковски: По ударот на Јакимовски ќе си го вратиме Карпош, Бастионот на СДСМ
Објавено во: Македонија 18 Август, 2017
Душко Весковски е еден од најсериозните кандидати за градоначалник на општина Карпош од редовите на СДСМ кој ќе се обиде да му се „одмазди“ на Стевчо Јакимовски кој ги изневери социјалдемократите преоѓајќи во коалција со Груевски. Тој е раководител во Меморијалниот центар на холокаустот на Евреите од Македонија, дипломиран правник и магистрант на катедрата за Менаџмент на човечки ресурси на факултет "Блаже Коневски" во Скопје.
„По промените кои што ќе се случат веќе есенва на 15 – ти октомври се обврзуваме дека ќе го намалиме загадувањето и ќе се заложиме за квалитетен воздух и живот. Граѓаните ќе ги вклучиме во донесувањето на одлуките каде заедно ќе го штитиме јавниот интерес. Зелените површини и паркови ќе ги обновиме, бидејќи тие се симболот на Општината. Ветуваме, Карпош повторно ќе биде чиста и зелена општина!", изјави Душко Весковски во првото интервју дадено за Точка.
Весковски раскажува и за неговите почетоци во политиката и зошто е важно да се врати Карпош некогашниот Бастион на СДСМ каде партијата одлично пројде на парламентарните избори.
„Моите почетоци во политиката беа по завршување на средношколските денови, најпрвин како дел од младината на СДММ, потоа член на извршниот одбор на СДСМ Карпош, за во 2013 година да го добијам мандатот да ја водам Општинската организација на Карпош во најтешкиот период за партијата во моменти кој беа најтешки за нашите симпатизери и членови, но сите тие останаа доследни на партијата. И по ударот кој ни го нанесе Стевче Јакимовски на почетокот на неговиот неславен мандат денес повторно си го враќаме Бастионот на СДСМ а тоа е Општината Карпош, изјавува Весковски.
Според него идеален кандидат би бил затоа што сака да го спречи уништувањето на општина Карпош.
„Заедно го браневме зеленилото, протестиравме, се спротиставивме на лошите политики на Јакимовски и ВМРО-ДПМНЕ. Сега заедно ја креираме Програмата за зелена, урбана и функционална општина. Знам дека само единствено сите заедно ќе успееме и ќе ја вратиме Општината во рацете на жителите на Карпош“, изјави Весковски за Точка.