Видео: Ако се жалите на минус 15 погледнете како се живее во најладниот град на светот
Објавено во: Свет 08 Јануари, 2017
На далечниот Сибир, во руската република Јакутск се наоѓа Ојмјакон, најстудениот град во светот кој е постојано населен. Најекстремните температури во текот на зимата достигнуваат -60 степени целзиусови, додека пак кога просекот се движи од -35 жителите се навистина среќни бидејќи за нив тоа е сосема подносливо и можат вообичаено да ги извршуваат своите секојдневни активности.
Оимјакон се наоѓа во источниот дел на Сибир, на крајбрежјето на реката Индригирк, и од главниот град е оддалечено на дури 21 час возење со автомобил. Најниската измерена температура тука изнесува неверојатни -71,2 степени.
Ветер дува доста ретко, а годишно врне малку повеќе од 200 милиметри дожд. Сепак, од друга страна, температурите на лето може да досегнат и 20 до 30 степени, а највисока температура во тоа село била измерена во 2010 година. Тогаш живата во термометарот запрела на 34,6 степени.
Тука бензинските пумпи работат по 24 часа на ден бидејќи автомобилите постојано се вклучени за да не замрзна. Вработените во нив имаат чудно работно време: 2 недели работа и 2 недели одмор. Во декември денот тука трае само три часа, а во текот на летото 21 час.
Штом ги погледнете овие кадри сигурно ќе помислите дека зимата кај нас и не е така лоша.