(ВИДЕО) АПСЕЊА ВО КАТАЛОНИЈА: Тензии и протести на улиците
Објавено во: Свет 20 Септември, 2017
Шпанската полиција го уапси заменик министерот за економија на Каталонија, Хосеп Марија Жове во рација на канцелариите на регионалната влада.
Апсењата се случуваат пред неодобрениот референдум за независност на Каталонија, изјавија извори од каталонската влада за Ројтерс.
Весникот Ел паис јавува дека во рацијата се уапсени вкупно 13 лица и дека се запленети гласачки ливчиња. Пред просториите на каталонската влада се собраа голем број граѓани кои протестираат против апсењата.
Еден ден претходно националната полиција заплени 45.000 пликоа кои каталонската влада планирала да ги испраќа низ регионот за да ги информира луѓето за референдумот.
Полиција влезе во просториите на каталонските регионални министерства за економија, внатрешни работи, надворешни работи, социјална заштита, телекомуникации и даночниот оддел.
Тензиите во односите на Барселона и Мадрид се зголемија затоа што за 1 октомври е закажан референдум, кој шпанските централни власти не го признаваат.
Шпанското Министерство за финансии воведе од денеска нови контроли над финансиите на каталонската влада за да осигури дека државните пари не се користат за референдумот. Сега целото трошење во Каталонија е под контрола на централната влада.
Шпанското Министерство за внатрешни работи објави дека слободните денови и одморите ќе бидат суспендирани за припадниците на цивилната гарда и полицијата задолжени за спроведување на одлуките за забрана на референдумот за независност во Каталонија.
Претседателот на Каталонија, Карлес Пучдемон изјави дека Мадрид вовел де факто вонредна состојба во Каталонија.
Можеби ќе ве интересира
И „МАРТИНС“ ВО ПРОБЛЕМИ: Акциите на познатиот производител на обувки достигнаа историски минимум
ОГАН ГО ГОЛТНА СИМБОЛОТ НА КОПЕНХАГЕН! Драма во Данска: Позната историска зграда гори, кулата се сруши (ВИДЕО)
ОВА ПРАШАЊЕ СОЗДАВА РАСКОЛ ВО ЕВРОПА: Кој е за, а кој против нуклеарната енергија?
ИЗРАЕЛ ОДЛУЧИ КАКО ДА ГО ОДВРАТИ ИРАН ОД ПОНАТАМОШНИ НАПАДИ: Началникот на Генералштабот во посета на базата Неватим
ФУТУРОЛОГ ПРЕДУПРЕДУВА: Физичките пари исчезнуваат, „новите банки“ ќе профитираат
КОЈ ПИЕ НАЈМНОГУ ВО ЕВРОПА: Изненадувачки податоци за Македонците, еве колку пијат
ЕВРОПА СЕ „ДЕЛИ“ НА ДВА ДЕЛА, И МАКЕДОНИЈА ПРЕД ГОЛЕМ ШОК: До крајот на месецов не очекува значително студено време
МОЖЕТЕ ДА ЖИВЕЕТЕ ВО ИТАЛИЈА, А ДА РАБОТИТЕ ВО МАКЕДОНИЈА ИЛИ БИЛО КАДЕ ВО СВЕТОТ: Еве кои услови треба да ги исполните и колку се чека за виза
СО ЧАСОВИ ЧЕКААТ ЗА ОБРОК: Гладот ги мачи Палестинците во Газа
