(ВИДЕО) БАРСЕЛОНА НА НОЗЕ: Се протестира против апсењето на каталонските лидери
Објавено во: Свет 17 Октомври, 2017
Повторно протести и тензии во Барселона.
Врховниот суд на Шпанија синоќа нареди апсење на Жорди Куишарт и Жорди Санчес, поради каталонскиот референдум, поради што вечерва илјадници Каталонци на улиците на Барселона излегоа на протестен марш против таа одлука.
Каталонските власти одлуката за притвор ја оценија како провокација и апелираа луѓето да не паѓаат на провокации.
Апсењето на двајцата каталонски лидери, по наредба на Врховниот суд на Шпанија, осомничени за антидржавна активност, е „многу лоша вест“, изјави каталонскиот лидер Карлес Пучдемон.
Според шпанското Обвинителство, Санчес и Куишарт на 20 септември организирале група демонстранти, кои неколку часа ги попречувале обидите на националната полиција за претрес на седиштето на каталонската Влада во Барселона.
Низ улиците на Барселона вечерва илјадници граѓани излегоа да протестираат против таа одлука на шпанскиот Врховен суд. Бараат нивно ослободување и порачаа дека репресијата не е решение.