(ВИДЕО-ФОТО) Пет самоубијци направија масакр: Кој ја презеде одговорноста за нападот на хотелот во Кабул?
Објавено во: Свет 21 Јануари, 2018
Талибанците денеска ја преземаа одговорноста за нападот врз хотелот „Интерконтинентал“ во Кабул соопштувајќи дека пет нивни вооружени напаѓачи во самоубиствени елеци земале на нишан странци и авганистански претставници.
Портпаролот на талибанците Забихулах Муџахид рекол дека бунтовниците повторно планирале да го нападнат хотелот во четвртокот вечерта, но нападот го одложиле бидејќи во тоа време таму се одржувала свадба, а тие сакале да избегнат цивилни жртви.
Taliban claim deadly 12-hour attack on #Kabul hotel https://t.co/D7MIDTM6mW pic.twitter.com/VXaMcdLf2k
— Al Arabiya English (@AlArabiya_Eng) January 21, 2018
Портпаролот на авганистанското МВР Наџиб Ваниш рекол дека денес опсадата на хотелот, која почнала вчера после повеќе од 12 часа е завршена при што безбедносните сили ги убиле сите напаѓачи.
Последниот напаѓач, според негови зборови, е убиен денес попладне по локално време. Тој рекол дека во нападот се убиени шест лица, меѓу кои се еден неименуван странец и еден претставник од областа на телекомуникациите од западната провинција Фарах, кој присуствувал на конференција во хотелот.
Уште шест лица, меѓу кои се тројца припадници на безбедносните сили, се повредени во напад на овој луксузен хотел под силно обезбедување, кој е популарен меѓу странците и авганистански претставници.
VIDEO: Hostages use bed sheets to flee besieged & burning #Kabul Intercontinental Hotel https://t.co/zaVve29Uey pic.twitter.com/Rl1m3olu7u
— RT (@RT_com) January 21, 2018