(ВИДЕО) Ги погоди земјотрес од 8.2 степени, сега ги чека цунами
Објавено во: Свет 23 Јануари, 2018
Mногу силен земјотрес од 8,2 степени по Рихтер ја погоди Алјаска, а издадено е и предупредување за цунами кое се однесува на големиот регион од брегот на Алјаска и Британска Колумбија во Канада преку државата Вашингтон, па сѐ до Калифорнија.
Потресот ја зафати Алјаска во 9.30 часот по локално време. Епицентарот на земјотресот бил на 300 километри југоисточно од гратчето Кодијак на истоимениот остров, на длабочина од 10 километри.
Во главниот град Енкориџ, издадено е екстремно предупредување поради „вонредна закана за животот и имотот“. На граѓаните им се советува да се преместат во внатрешноста на повисок терен.