(ВИДЕО) И ШВЕЃАНИТЕ ЛУТИ НА ЧЕРВАР: „За ова треба да го исфрлите од Европското првенство“
Објавено во: Балкан 20 Јануари, 2018
Oткако актуелниот селектор на хрватската репрезентација Лино Червар е казнет со 3000 евра бидејќи го задржал белорускиот играч во текот на натпреварот во Арена, се јавија и шведските ракометари кои тврдат дека и нив ги влечел во текот на натпревар во Сплит.
Потсетуваме, хрватскиот селектор во последниот напад на Белорусија зачекори на терен и со раце го запре Артур Карвацки во текот на транзицијата на неговите момчиња. Белорусија во тој напад ја изгуби топката и Копљар со сирената шутна за конечни 25:23.
Откако ја виделе снимката, се огласија и шведските репрезентативци.
„Тоа мене ми го направи двапати на натпреварот против Хрватска. За среќа, тоа резултатски не ни наштети. Јасно ми е дека тренерот ќе направи се за победа, но ова сепак е малку премногу“, рекол Џим Готфридсон.
Шведското десно крило Матијас Закрисон го видел што правел Червар на натпреварот во Спаладиум Арената.
„За такво нешто мора да бидете исфрлени од Европското првенство. Такви работи немаат врска со ракомет“, рекол Закрисон.
Ова е видеото за кое е казнет Червар: