ВИДЕО: „Исламска држава" ги користи луѓето во Мосул како жив штит
Објавено во: Свет 19 Октомври, 2016
Џихадисти од терористичката група „Исламска држава" не дозволуваат на цивилното население да го напушти Мосул, користејќи го како жив штит против ирачката армија и нејзините сојузници.
„Ние знаеме дека тие се користат како човечки штит"- изјави портпаролот на Пентагон капетан Џеф Дејвис.
Ирачката телевизија информира дека џихадисти принудно одвеле во Мосул и жители на околните населени места.
Во исто време повеќето од борците на терористичката група го напуштаат градот, пред тој да биде опкружен целосно. Остануваат само оние кои се подготвени да загинат.
Претходно телевизија „Ас сумарија" соопшти дека на ирачко-сириската граница е уништен конвојот во кој имало странски борци на „Исламска држава".
Терестријалната воена операција во Мосул започна завчера наутро. Вкупниот број на сојузничките сили е околу 60.000 луѓе.