(ВИДЕО) Израел нападна сириски воени објекти - настрадаа ли цивили?
Објавено во: Свет 25 Јуни, 2017
Израелските власти oбјавија дека нанеле удри на сириски воени објекти, откако на Голанската висорамнина паднале проектили.
Израелската армија објави дека 10 гранати дошле од страна од Сирија врз цели на спорните висорамнина и дека одговорила со воздушни напади на позициите од каде што дошле истрелите.
Сириски воен извор тврди дека при израелските удри загинале цивили, пренесува Ројтерс.
Сириски воени извори покажуваат дека израелска ракета погодила станбена зграда, предизвикувајќи штета и цивилни жртви. Од лондонската Сириска опсерваторија за човекови права велат дека во моментов во провинцијата Кунејтра која се граничи со Израел, се водат борби меѓу опозицијата и владините сили.
Сирија и Израел имаат заедничка граница долга 80 километри. Двете држави немаат билатерални дипломатски односи. Сирија не го признава постоењето на Израел, а Тел Авив соседната држава ја смета за непријателска. Двете држави, сепак, им овозможуваат одвивање на трговијата на жителите на локалната заедница Друзи на Голанската висорамнина.