Видео: Како Бил Гејтс ја замислува иднината на мобилните плаќања?
Објавено во: Економија 20 Февруари, 2018
Технолошкиот иноватор и визионер Бил Гејтс смета дека мобилните плаќања како и развојот на системи за електронски банкарски сметки се еден од клучот за унапредување на економијата, особено во посиромашните земји.
Тој смета дека постои голема шанса во блиска иднина секој да има едноставен и лесен пристап до електронски банкарски услуги кои ќе им овозможат на земјите во развој дополнителни бенефиции, подобро менаџирање на паричните средства, поголеми инвестиции и раст на економијата.
Бил Гејтс како одличен пример зема неколку земји од Азија и Африка кои на прв поглед некој би ги потценил, но кај нив многу рано започна да се развиваат електронските услуги и бесконтактни плаќања само со допир на паметниот мобилен телефон.
Интересно е што неговата сопруга Мелинда со која заедно ја водат Гејтс фондацијата се обложиле дека наскоро речиси сите ќе имаат мобилна банкарска сметка. Бил Гејтс верува и дека со подобро менаџирање на личните финансии многу лесно може да се промовира претприемништвото и развивањето на ефикасни бизнис идеи кои ќе ја подобрат економската состојба и финансиска независност на многу луѓе низ планетата.
Визијата на Гејтс како и облогот со неговата сопруга се на вистински пат да се остварат па тоа треба да послужи и како мотив за финансиските и општествените институции посериозно да се ангажираат во креирање на модерни платежни решенија за своите корисници и граѓани за попросперитетна иднина.