Видео: Како Нобеловецот Фридман го предвиде Биткоинот пред 18 години?
Објавено во: Економија 03 Декември, 2017
Економскиот теоретичар и добитник на Нобеловата награда за економија Милтон Фридман уште во 1999 година кога интернетот ги правеше првите чекори предвиде дека ќе се појави електронска валута со која ќе се олеснат паричните трансакции без потреба од кеш, но и без конкретни записи за одржување на анонимноста.
Според Фридман е-валутата ќе има позитивни страни како олеснување на користињето на услугите на интернетот, како што денес биткоинот се користи за многу електронски купување и интернет услуги, но така и негативни страни бидејќи и криминалците ќе може многу полесно да ги вршат своите активности без контрола од страна на властите.
Фридман е основач на неолиберализмот, односно економија која има минамален степен на регулација од страна на владата каде пазарните динамики, побарувачка и понуда ги формираат цените и економските параметри. Според неговите учења економски раст може да се постигне со поттикнување на потрошувачката, намалени даноци и практично негирање на школата на економистот Кејнс.
Тој беше еден од главните советници на американскиот претседател Роналд Реган, но денес неговите учења се контрадикторни бидејќи предизвикаа суров капитализам и формирање на мега корпорации со неограничена моќ и неправична распределба на личниот доход.
Сепак, кога е во прашање е-валутата беше сосема во право но, од мотиви на помала владина регулација што исто така денес е доста контроверзен став бидејќи има големи напори биткоинот да се забрани или пак целосно да се регулира.