Видео: Кинезот кој чекореше на раб на облакодери ја сними својата смрт
Објавено во: Свет 13 Декември, 2017
Кинескиот каскадер Ву Јонгнинг кој стана атракција на социјалните мрежи изведувајќи екстремни егзибиции на врвовите на облакодерите конечно се соочи со последниот акт. Тој ја сними својата смрт, на зграда висока 62 спрата во градот Чангша.
Јонгнинг сакаше да изведе опасна егзибиција на правење „згибови“ на самиот раб на еден од балконите, по што изгуби контрола и се лизна.
Смртоносниот инцидент се случил во ноември, но кинеската полиција дури сега го потврди смртниот случај откако неговите фанови вршеле притисок да се открие што е со неговата судбина бидјеќи подолго време немало ново објавено видео.
Јонгнинг досега снимил 300 видеа со опасни каскадерски потези, но и не е првиот модерен каскадер со селфи фотки и видеа на социјалните мрежи кој загинал на ваков начин. Овој тренд на акробации за привлекување на внимание на Facebook или другите мрежи станува се поопасен и поголем број на млади луѓе ги губат своите животи.