ПРОБЛЕМИ ОД СТАРТ
(ВИДЕО) Корисниците на iPhone 7 забележаа чуден проблем
Луѓето кои веќе го купија новиот iPhone 7 се жалат на чуден проблем на овој уред.
Објавено во: Мои пари 20 Септември, 2016
Кога процесорот на телефонот е максимално оптеретен, започнува досадно да шушти.
Буката која ја прави iPhone 7 кога, да речеме се активирани премногу апликации одеднаш, прв ја забележал Стивен Хакет од сајтот „512 Pixels“ а следело и мноштво слични пријави на социјалните мрежи.
Корисниците стравуваат дека причина е прегрејувањето, кое кај „ Samsung Galaxy Note 7“ доведе до самозапалување на батерија во текот на полнење. Сепак, ситуацијата не е толку драстична, а не шуштат ниту сите уреди.
Некои корисници тврдат дека не забележале ништо слично, дури ни кога телефонот го ставиле на максимално оптеретување.
Затоа многумина велат дека проблемот е во некоја серија уреди, а не во дизајнот.
Инаку, iPhone 7 во себе го има моќниот А10 чип, кој веројатно допринесува за буката.
„Apple“ уште не ги коментирал овие тврдења, но понудил да му го замени телефонот на Стивен Хакет, кој прв го забележал проблемот.