(ВИДЕО) КРЕМЉ ПРЕДУПРЕДУВА: Распоредување на американски тенкови во Полска е закана за Русија!
Објавено во: Свет 12 Јануари, 2017
Русија на распоредувањето на американските тенкови и други оклопни возила во Полска гледа како на закана, изјави денес портпаролот на Кремљ Димитриј Песков.
Песков рекол дека Москва негативно гледа на трупањето на странска војска во близина на своите граници.
„Ние ова го толкуваме како закана и акција која ги загрозува нашите интереси и безбедност. Трета земја го зголемува своето воено присуство во близина на нашите граници во Европа. Тоа дури не е ниту европска земја“, порачува Песков. Тој навел дека не е важна големината на воениот контингент.
„Дали се во прашање илјада или 10 000, сеедно. Тоа е јакнење на военото присуство и немам што да дополнам“, рекол Песков.
Американските тенкови и оклопни возила со повеќе од 3 000 војници почнале утрово да пристигнуваат во Полска. Тоа е најголемото воено ангажирање во Европа во последните неколку децении и тоа во пресрет на инаугурацијата на Доналд Трамп за нов претседател на Трамп.
Трамп сака да ги подобри односите со Москва.
Како што пренесе БиБиСи, повеќе од 80 тенкови и стотина оклопни возила веќе стигнале во Германија и сега се преместуваат кон источна Европа.