(ВИДЕО) На Србите обвинети за убиството на Американецот во Закинтос им се заканува затвор од најмалку 10 години
Објавено во: Балкан 10 Јули, 2017
Осуммина напаѓачи на Американецот на грчкиот остров Закинтос, меѓу кои се и шестмина Срби се обвинети за тешко кривично дело групно убиство со предумисла.
Најмалата казна за тоа кривично дело е 10 години затвор. Приведените ги посетил почесниот конзул на Србија во Кефалонија.
После сослушувањето осуммината обвинети се вратени во притворската единица на Закинтос каде ќе останат до вторник кога ќе бидат изведени пред истражен судија. Таа информација на грчките медиуми ја потврдило и српското министерство за надворешни работи.
„Приведените српски државјани ги посетил почесниот конзул на Србија во Кефалонија Виктор Рухас кој разговарал со нив и началникот на грчката полиција на Закинтос.
Уапсените српски државјани немале забелешки на третманот во притворот. Амбасадата е во контакт со надлежните грчки органи и им ја нуди на нашите државјани сета расположлива конзуларна помош“, соопштило министерството.
Шестмина Срби се уапсени во петокот поради убиството на Афроамериканецот Бакариј Хандерсон кое се случило во петокот после караници во ноќен клуб.
Во вакви ситуации, пракса е на странски државјани да им се суди во земјата во која е направено кривичното дело.
Адвокатот Александар Цветиќ открива дали грчките власти се неблагонаклонети кон странци кои се теретат за такво кривично дело. Тој советува семејствата да ангажираат адвокати од Србија.
До судирот на Закинтос во кој е убиен Американецот, а поради кој се уапсени шест Срби наводно дошло поради фотограифрање со келнерката. Со оглед дека тоа не е единствената верзија на приказната, причината и начинот на кој сега починатиот е убиен ќе утврди полициската истрага.
Уапсените се млади момчиња кои имаат помеѓу 18 и 25 години.
А објавената снимка од убиството може да ја видите и тука.