(ВИДЕО) НЕВРЕМЕ ВО СЛОВЕНИЈА И ХРВАТСКА: Летаа столици, реклами, тенди
Објавено во: Балкан 25 Јуни, 2017
Невреме со силен ветер и дожд ги зафати Словенија и Хрватска.
Невремето прво го погоди јужниот дел на Словенија, а потоа и останатите делови од земјата, по што се прошири и во Хрватска.
Ветрот, на одделни места, корнеше дрвја, поради што беа затворени некои патишта, а имаше и одрони.
Во Крањ ветрот го откорна покривот на една куќа, кој потоа падна врз паркиран автомобил.
Во Марибор силниот ветер ги кршеше дрвјата и предизвика помала материјална штета.
Државните служби очекуваат во текот на денот да бидат отстранети сите дефекти.
„Јутарњи лист“ го објави предупредувањето на хрватскиот метеоролошки завод дека поради невремето се можни и поплави.
Невремето прво ги зафати Загорје и Истра, а потоа се прошири и на Кварнер. Посебно драматично било во Новиград, каде облаците целосно го помрачиле небото.
Во Пореч невремето траело само неколку минути, но летале реклами, столици, олуци, маси, тенди и чадори од плажите.