(ВИДЕО) НОВИ ДЕТАЛИ ОД НЕСРЕЌАТА: Ќерката на познатиот тајкун се тркала, изгубила контрола и прегази 5 луѓе

Добивај вести на Viber

Ќерката на познатиот украински олигарх Алена Зајчева, со „лексусот“ се залетала во пешаци на тротоарот во градот Харкоц и при тоа убила пет луѓе.

Зајчева (20) поминала на црвено и со брзина од речиси дупло поголема од дозволената влетала меѓу група луѓе.

Новите снимки би можеле да докажат дека на семафор стоело уште едно возило со кое Зајчева се тркала, но после поминувањето на црвено изгубила контрола над возилото.

Исто така, откриено е дека Зајчева веќе четири пати досега добивала казни за пребрзо возење. Иако медиумите пренеле дека шест лица загинале во несреќата, украинското МВР издало соопштение дека наводно настрадале 5 луѓе, а две жени дека се наоѓаат во тешка состојба. Меѓу загинатите се 15 годишно девојче,а тешко повредена е и трудница во седмиот месец од бременоста.

Како што пишуваат медиумите, веднаш долетале два џипа со вооружени телохранители, кои Зајчева ја заштитиле од разбеснетите сведоци на несреќата.

Зајчева е ќерка на мултимилионерот Василиј Зајчев, директор на локална енергетска компанија.

Полицијата соопштила дека на Алена, на која и било одреден три дневен притвор, во моментот на несреќата не била под дејство на алкохол. Доколку биде осудена и се заканува казна од 10 години затвор.