Добивај вести на Viber
Американскиот претседател Барак Обама се соочува со големи критики на социјалните мрежи откако се појави видео во кое тој џвака гума за џвакање (веројатно никотинска) и тоа за време на интонирањето на француската химна на одбележувањето на Денот Д во Нормандија.
Како „вулгарно“ и „срамотно“ се оценува однесувањето на Обама на одбележувањето на важниот јубилеј - 70 години од истоварувањето на сојузничките трупи на брегот на Нормандија. Еден од корисниците на социјалните мрежи го нарекол американскиот претседател „мангуп“.
И на комеморацијата на јужноафриканскиот лидер Нелсон Мандела минатата година Обама исто така беше снимен како џвака мастика, па дури и како си се фотографира, што предизвика негодувања на јавноста.
Американскиот претседател е поранешен пушач и често е критикуван затоа што во јавност џвака гуми за џвакање, а неговите блиски соработници објаснуваат дека на овој начин тој се бори птоѕив желбата за пушење.
Дали е толку страшно однесувањето на Обама, проценете самите:
http://www.youtube.com/watch?v=7aTcvnnpd7s