(ВИДЕО) ПИЛОТОТ ЗАЛУТАЛ: Воен хеликоптер направил хаос на автопат
Објавено во: Свет 16 Февруари, 2017
Воен хеликоптер МИ-8 слетал на автопатот во Казахстан и блокирал конвој камиони.
Не била во прашање ниту вежба, ниту било каква опасност, туку како што збунетите возачи откриле, недостаток на ориентација.
Имено, по слетувањето на хеликоптерот, еден од членовите на екипажот излегол како би прашал за патот до најблискиот град.
„Што работи бре овој на сред пат“, се слуша гласот на еден од возачите. После минута -две роторите се запреле и од хеликоптерот излегол војник.
Тој дошол до првиот шофер и со силна гестикулација објаснувал во што е проблемот. Потоа се ракувал со него и се вратил во хеликоптерот вреден 10 милиони долари.
„Дошол да праша каде е градот Актобе?“ вели еден од возачите.
Министерството за одбрана на Казахстан издало соопштение во кое пишува дека ова била „планска вежба за визуелна ориентација“ во која од пилотот се барало да се ориентира со помош на луѓе. Вежбата според соопштението се покажала успешна.