(ВИДЕО) ПО ВОЕНА ПАРАДА ВО МАДРИД СЕ УРНА АВИОН: Има ли загинати во несреќата?
Објавено во: Свет 12 Октомври, 2017
Воен авион се урна во базата Лос Лианос во Шпанија по воената парада одржана во Мадрид, објави шпанското Министерството за одбрана.
Пилотот загинал при уривањето. Авионот учествувал во воената парада „12 Октомври“ по повод Националниот ден, објавија шпанските медиуми. Портпаролот на шпанскиот Сектор за вонредни ситуации изјави дека борбениот авион „Еурофајтер“ се урна во поле во близина на воената база Лос Лианос кај градот Албасете во југоисточниот дел, при што пилотот загина, објави Ројтерс.
Accidente aéreo en la Base Aérea de Los Llanos. #albacete pic.twitter.com/4D488KICpO
Авионот учествуваше на воената парада по повод одбележувањето на шпанскиот национален празник, а при враќањето се сруши, соопшти Министерството за одбрана на Шпанија. Причините за несреќата се утврдуваат. Албасете се наоѓа околу 300 километри југоисточно од главниот град.
Воените трупи и полицијата денеска маршираа низ улиците на Мадрид во знак на одбележување на националниот празник на Шпанија, сред една од најголемите кризи со кои се соочува земјата, затоа што нејзината богата североисточната провинција Каталонија се заканува со отцепување.