(ВИДЕО) РАСКОШ НА СИТЕ СТРАНИ: Ова е вилата на Ивица Тодориќ-основачот на „Агрокор“
Објавено во: Балкан 18 Октомври, 2017
Овие денови е актуелен случајот „Агрокор“ , а во хрватската јавност се појави и снимка која го покажува внатрешниот дел од дворецот во кој живее хрватскиот бизнисмен Ивица Тодориќ, со семејството.
Се гледа раскош на сите страни, а посебно внимание привлекле скалите кои имаат позлатена убаво украсена ограда.
Исто така, како пренесуваат медиумите, Тодориќ ги украсил ѕидовите со ловечки трофеи.
Да потсетиме...
Пред два дена полициска акција почна да го тресе Загреб.
Државното обвинителство и полиција на Хрватска тргнаа во акција на апсење на осомничени поранешни членови на управата на Агрокор и претрес на нивните домови бидејќи е во тек предистражна постапка првенствено утврдена на основни сомневања дека со години ги лажирале билансите на концернот.
Уапсени се Томислав Лучиќ, поранешен член на надзорниот одбор на Агрокор, како и десната рака на Ивица Тодориќ. Лјерка Пуљиќ, потоа Мислав Галиќ, Пирушка Цанјуг, Иван Црњаќ и Дамир Куштрак.
Ивица Тодориќ и дел од неговите најблиски соработници од врвот на Агрокор, меѓу кои се судејќи по се и неговите синови, па Иван Црњаќ , Лјерка Пуљиќ, Томислав Лучиќ, Пирушка Цанјуг и други се сомничат за злоупотреба и други незаконитости врзани за повреда на обврските на водење бизнис книги.
Во истрагата се опфатени 15 лица, а се уапсени 12 од нив. Тројца осомничени, членови на семејството Тодориќ, основач на „Агрокор“ Ивица Тодориќ и неговите синови Анте и Иван, засега не им се достапни на хрватските институции. Според достапните податоци, сите се наоѓаат во странство, односно во Лондон.