(ВИДЕО) Што и порача Трамп на нацијата?
Објавено во: Свет 20 Јануари, 2017
Бизнисменот и милијардер, Доналд Трамп денеска ќе даде заклетва како 45-ти претседател на САД.
Непосредно пред инаугурацијата тој кажа дека нацијата ќе „види нешто прекрасно“ откако тој официјално ќе стапи на функцијата
Тој ветува дека вредно ќе работи, дека ќе ја обедини државата и дека „ќе ја направи Америка повторно голема, за секого.“
По инаугуративниот концерт на скалите на споменикот на Линколн, тој вчера пред илјадниците насобрани кажа рече не е` загрижен дали времето ќе биде убаво или ќе врне, затоа што луѓето од цел свет секако ќе гледаат што се случува во САД.
Вчера имаше судири со полицијата на демонстранти пред зградата на Националниот прес клуб во Вашингтон. Во Клубот, се одржуваше коктел-собир под името „Бедници.“
Демонстрантите скандираа „Не за Трамп. Не за фашистичка Америка“.
Се одржаа протести против новата администрација и во близина на кулата Трамп во Њујорк, каде говори одржаа градоначалникот Бил де Блазио, филмскиот режисер Мајкл Мур, актерот Роберт де Ниро и други.
Со номинацијата на поранешниот гувернер на Џорџија, Сони Перду за раководител на Одделот за земјоделство, Трамп ги пополни сите позиции во неговиот кабинет. Тој исто така кажа дека низ владините агенции се распоредени 536 претставници, задолжени за успешна транзиција на моќта.
Најмалку 66 демократи од Конгресот на САД ќе ја бојкотираат церемонијата.