(ВИДЕО) ТРАМП ГО ПРОМЕНИ СТАВОТ КОН АСАД: Жестоки воздушни удари на САД врз Сирија
Објавено во: Свет 07 Април, 2017
Од американските разорувачи во источниот Медитеран се исфрлени над десетици „tomahavk“ ракети на позициите на сириската војска, а операцијата ја наредил Доналд Трамп како одмазда за наводен напад со хемиско оружје на силите на Башар Асад во Идлиб, јавија агенциите.
Претставник на Белата куќа рекол дека се исфрлени 59 прецизно наводни ракети кои ја погодиле воздухопловната база Шајрат во Сирија. Други претставници претходно објавија дека се исфрлени 70 ракети.
The US has launched a military strike on Syria in response to the chemical weapons attack earlier in the week https://t.co/13r2r6rYwd pic.twitter.com/RTqSjwsBDl
— CNN (@CNN) April 7, 2017
Таа воздухопловна база, според претставникот на Белата куќа има врска со „програмата на хемиското оружје на сирискиот режим и директно е поврзана со ужасниот хемисики напад на 4 април“, пренесе АФП.
Нападот е извршен од американските воени бродови во источен Медитеран.
Трамп наредбата ја издал од Флорида, а со американскиот претседател во тоа време биле државниот секретар Рекс Тилерсон, како и неговиот советник за безбедност Х.Р.Макмастер.
RAW: United States launches cruise missiles into northern Syria https://t.co/hp6724pBhk pic.twitter.com/JZUByhZaPm
— USA TODAY Video (@usatodayvideo) April 7, 2017
Како пренесува СиЕнЕн, Трамп во текот на нападот бил на вечера со кинескиот претседател Си Џипин, а секретарот за одбрана Џејмс Матс цело време го информирал за операцијата во Сирија.
Трамп на новинарите им рекол дека е во интерес на САД да ја запрат употребата и ширењето на смртоносното хемиско оружје.
„Вечерва наредив воен напад на позициите во Сирија од кои е извршен напад со хемиско оружје. Нема спор околу тоа дали Сирија го користела забранетото оружје и ги прекршила обврските кои ги има под Конвенцијата за хемиско вооружување и ги игнорирала апелите на Советот за безбедност на ОН. Годината на обид да се промени однесувањето на Асад пропаднаа, и тоа многу драматично“, рекол Трамп.