(ВИДЕО) Tурција ги гранатира курдските позиции во Сирија
Објавено во: Балкан 20 Јануари, 2018
Tурската армија вчера и денеска ги гранатирала курдски позиции во регионот Африн во Сирија.
Милитантите претходно пукале кон турските позиции, соопшти армијата, пренесе Ројтерс.
Армијата нападнала засолништа кои ги користеле „милитантите од три групи, Курдистанската работничка партија (ПКК), ПИД и ЈПГ“.
Претседателот Реџеп Таип Ердоган вели дека оваа недела ќе ја уништи сириската курдска милиција во Африн, која тој ја смета за закана за безбедноста на неговата земја.
Министерот за одбрана, Нуритин Каникли, во петокот изјави дека операцијата на Турција во регионот почнала со прекугранично гранатирање, но ниту еден војник не отишол во Африн.
Курдите што ги напаѓа Турција се американски сојузници.
Американскиот Стејт департмент ја повика Турција да се фокусира на борбата против „Исламската држава“ и ги оцени турските активности во Африн како дестабилизирачки.