(ВИДЕО) Турското гранатирање во северна Сирија однело во смрт 11 деца и цивили
Објавено во: Свет 22 Јануари, 2018
Најмалку 11 мирни жители на Африн, меѓу кои 5 деца, се убиени во воздушните напади на турската армија вчера според податоци на Сириската опсерваторија за човекови права, цитирана од светските агенции.
Турскиот генерал, пак контрира на тоа дека сите убиени се терористи.
Во саботата Турција започна воена операција во реонот на Африн, Северна Сирија против курдските милиции кои Анкара ги нарекува "терористички организации".
Во претходните пораки за удари над населбата Џалбара се зборуваше за 8 убиени од едно исто семејство бегалци од соседната провинција Идлиб.
Турската операција "Маслинова гранка" вклучува воздушно бомбардирање и артилериско гранатирање.
Портпаролот на курдската група ги обвини турските борци за убиство.
Во исто време, турскиот претседател Реџеп Таип Ердоган изјави вчера во Бурса дека армијата ќе ги гони "терористите од единиците на „Силите за народна самоодбрана“ кои бегаат од Африн, пишуваат турски медиуми.
„Гледаме дека терористите се обидуваат да се скријат. Тие ќе побегнат и ќе ги следиме“, цитиран е Ердоган . Тој додал дека турските војници ќе ја завршат наскоро операцијата во Африн и нагласува дека курдските одреди не можат да се потпрат на помошта на САД против Турција.
Ердоган повторно ги повика САД "да не ја провоцираат Турција" и "да не посегнуваат на границите на републиката", бидејќи Анкара "нема да го толерира ова долго".
#Turkey fires barrage of missiles on Kurdish-held targets in #Syria https://t.co/VSQJIsLxqE pic.twitter.com/KcVW3k7UZk
— RT (@RT_com) January 22, 2018