(ВИДЕО) Ураганот „Марија“ го уништи и Порторико: Жителите очајни, овде нема повеќе живот!
Објавено во: Свет 21 Септември, 2017
Ураганот Марија целосно го уништи Порторико, а сите 3,5 милиони луѓе, колку што живеат на овој остров, моментално се без струја.
„Информациите кои ги примаме не се охрабрувачки“, рекол Абнер Гомез, директор на агенцијата за вонредни ситуации, повикувајќи ги жителите да останат во своите домови.
Ураганот уништил се што му се нашло на патот. Кога конечно излеговме од засолништето имавме што да видиме. Нашиот остров е целосно уништен“, рекол Гомез.
Градоначалничката на главниот град Сан Хаун Кармен Јулин Круз рекла дека ураганот нанел големи штеи на островот, дека е „уништен речиси целосно“. Додала дека би можеле да поминат дури шест месеци додека островот не добие струја ...
„Многу делови од Сан Хуан се целосно поплавени. Животот каков што го познаваме се промени“, нагласила.
Марија е најсилен ураган во последните 80 години кој го погоди Порторико. Ветрови од 250 км/ч уривале се пред себе. Низ улиците на градовите течат калливи реки уништувајќи се пред себе.
Во местото Катано, западно од главниот град, повеќе од 80 посто од градбите се уништени, потврдил градоначалникот.
„Се е поплавено. Водата легла во сите куќи, а кровови речиси и да нема“, рекол тој.